Një mjek në QKUK është ndaluar me urdhër të Prokurorisë së Shtetit për shkak që dyshohet për marrje ryshfeti.
Prokuroria e Shtetit ka bërë të ditur se inicialet e të dyshuarit janë S.D..
”Prokuroria Themelore në Prishtinë, njofton opinionin publik se Departamenti për Krime të Rënda, konkretisht Njësiti për Krime Ekonomike dhe Korrupsion, ka urdhëruar ndalimin e personit me inicialet S.D., në cilësinë e mjekut në Qendrën Klinike Universitare të Kosovës (QKUK), për shkak të dyshimit se ka kryer veprën penale “Marrja e ryshfetit”, sipas KPRK-së”, thuhet në njoftim.
Gjithashtu, është bërë e ditur se prokuroria në koordinim me Policinë është duke vazhduar me ndërmarrjen e veprimeve hetimore lidhur me këtë çështje penale./teve1.info/
