Një këmbësor është goditur nga një kamionetë, pasditen e sotme në magjistralen Ferizaj – Kaçanik, konkretisht në fshatin Gerlicë të Ferizajt.
Këmbësori ka marrë ndihmën e parë në Qendrën Emergjente në Ferizaj, pastaj për trajtim të mëtutjeshëm mjekësor është dërguar në Qendrën Klinike Universitare të Kosovës (QKUK).
Kështu ka bërë të ditur për teve1.info zëdhënësi i Policisë së Kosovës për rajonin e Ferizajt, Kanun Veseli.
“Ju njoftojmë se sot rreth orës 14:40 kemi pranuar një informacion se në rrugën magjistrale Ferizaj-Kaçanik në fshatin Gerlicë të Ferizajt, ka ndodhur një aksident trafiku , e përfshirë një automjet (kamionetë) dhe një këmbësor. I lënduari pasi ka marrë ndihmën e parë në Qendrën Emergnente në Ferizaj, për tretman të mëtutjeshëm mjekësor është dërguar në QKUK-Prishtinë”, tha Veseli.
Tutje, ai bëri të ditur se në vendin e ngjarjes kanë dalë Njësia e Komunikacionit Rrugor dhe autoambulanca./teve1.info/
