Si sot thotë se i kujtohet shtatori i vitit 1988, ku si 23 vjeçar nisi punën si ligjërues në shkollat e mesme.
Për plotë 34 vite, Fadil Haliti nga Podujeva, u dha mësim rreth 7 mijë nxënësve llapjanë.
E përveç krenarisë për profesionin që e zotëron tash e shumë kohë, rrëfen sfidat e të qenurit mësimdhënës i viteve 90’ta.
Këtu përmend datën 30 maj të vitit 1989, kur forcat serbe vranë heroin Ali Ajeti, në protestat pjesë e së cilës ishin edhe shumë nxënës të Halitit.
Ngjarje kjo që i kishte çuar dhjetëra policë në klasën ku ai po mbante mësim, për t’i arrestuar disa nga nxënësit e tij.
Në objektin e shkollës së fshatit Obrançë tri vite më vonë i arrestuar mbeti edhe vetë profesori.
Profesori i lëndës së Kimisë, në atë kohë, përveç pagave shumë të ulëta, për vite me radhë, ai si shumë kolegë të tij, punoi pa asnjë pagesë.
Bile, ka një krahasim interesant me periudhën e tanishme.
Në fund, thotë se është i kënaqur me arritjen e qëllimit të tij, që t’u ndihmojë shumë llapjanëve për t’u bërë doktorë.
Kronika e realizuar nga gazetari Arton Rama.
