Një situatë e paprecedentë u regjistrua ditën e djeshme në Paris, ku edhe janë shfaqur video shokuese të një tifozi 9-të vjeçar në rrugët e kryeqytetit te Francës, pasi u godit nga gazi lotsjellës i hedhur nga Policia franceze në mbrëmjen e së shtunës të finales së Ligës së Kampionëve.
Tifozi i “The Reds”, Carl Clemente, ka postuar videon në “Twitter”, ku shihet djali i tij i vogël duke qarë, teksa përpiqej me dëshpërim t’i fshinte lotët që i rridhnin nga sytë pas sulmit nga Policia franceze.
“Djali im 9-vjeçar vuan pasojat e gazit lotsjellës pas ndeshjes, pas ndeshjes së futbollit. Policia i hidhte ato për qejf. U godita direkt. Është kaq toksike. Nuk është vend për fëmijë. Futbolli ka mbaruar”, ka shkruar Clemente.
https://twitter.com/clemente_carl/status/1530693578887790592
Kujtojmë që finalja e Ligës së Kampionëve mes Liverpoolit dhe Real Madridit u shty me plot 36 minuta, pasi shumë tifozë pa bileta ose me bileta false kaluan portat dhe u bënë pengesë që njerëzit të futeshin në stadium.
U desh ndërhyrja e forcave të rendit për të rikthyer rregullin, ndërkohë që kjo u shoqërua me 69 tifozë të arrestuar, ndërsa 238 vetë janë të lënduar, sipas raportimeve të mediave ndërkombëtare.
Tifozët e të dyja skuadrave ngelën të zhgënjyer nga organizatorët dhe reagimi i forcave të rendit, që përdorën dhunë dhe gaz lotsjellës për të marrë nën kontroll situatën pas kaosit të shkaktuar.
Por rasti i 9-të vjeçarit nuk ishte i vetëm. Një tifoz tjetër i Liverpoolit, Joseph Murphy për herë të fundit në ditën e shtunë, është parë në ora 19:00. Familja Murphy, ka bërë një apel urgjent për vendndodhjen e tij ku edhe u zhduk nga zona e tifozëve pas finales të Ligës së Kampionëve.
Për babain e dy fëmijëve në mëngjesin e ditës së dielë, kunati i tij në Twitter ka bërë një lutje për çdo kënd që mund të ketë ndonjë informacion rreth Josep Murphyt
“Ndonjë Reds ende në Paris…Nuk e kam parë kunatin tim që nga ora 7 mbrëmë. Tani kam filluar të shqetësohem se sa i keq është ky vend dhe sa e keqe është policia”, ishte shkrimi i tij.
UEFA thuhet se ka filluar hetimet dhe do të shikojë se çfarë nuk shkoi me finalen e Ligës së Kampionëve nga aspekti i tifozëve. /Tëvë1/
