Një person është vrarë dhe një tjetër është plagosur me thikë në Zllakuqan të Lipjanit.
Lajmin e ka konfirmuar zëdhënësja e Policisë në Prishtinë, Flora Ahmeti.
Ahmeti ka thënë se rasti ka ndodhur rreth orës 13:00 dhe se sipas informacioneve të para ka pasur mosmarrëveshje mes disa personave, ku dy janë plagosur me thikë.
Njëri prej tyre ka ndërruar jetë. Ahmeti bëri të ditur se ai është 57 vjeç.
Ndërsa i lënduari tjetër është dërguar për tretman mjekësor.
“Bazuar në informacionet e para janë ngritur dyshimet se një mosmarrëveshje mes disa personave ka rezultuar me plagosjen e rëndë të dy personave, dyshohet me mjet të mprehtë thikë. Njëri nga personat e lënduar ka vdekur, ndërsa i lënduari tjetër është dërguar për tretman mjekësor. Vdekjen e viktimës mashkull, rreth 57 vjeç, e ka konstatuar ekipi mjekësor në QKMF në Magure”, thuhet në njoftim.
Ndërkohë, lidhur me rastin janë arrestuar dy persona./teve1.info/
