Një person ka vdekur dhe 312 raste janë trajtuar në Qendrën Emergjente të Qendrës Klinike Universitare të Kosovës (QKUK) brenda 24 orëve.
Sipas njoftimit të QKUK-së, numri më i madh i rasteve është trajtuar në Reanimim dhe në Emergjencën Internistike.
“Nga numri i përgjithshëm i pacientëve të trajtuar, 90 raste janë menaxhuar në Reanimim, 90 në Emergjencën Internistike, 53 në Emergjencën Kirurgjike, ndërsa 60 pacientë kanë marrë trajtim në Emergjencën Ortopedike”, thuhet në njoftimin e QKUK-së.
Raporti 24-orësh i QKUK-së bën të ditur se 21 persona janë lënduar në aksidente trafiku.
“Ndërsa, sipas natyrës së lëndimeve, gjatë kësaj periudhe janë regjistruar një rast nga armët e ftohta, një rast i intoksikimit (helmimit), një person i përfshirë në përleshje fizike, si dhe 21 persona të lënduar si pasojë e aksidenteve në trafik”, thuhet më tej në raport.
