Një person është therur me thikë pasditen e sotme në rrugën “Zahir Pajaziti” në Podujevë.
Lajmin për tëvë1.info e ka konfirmuar zëdhënësja e policisë për rajonin e Prishtinës, Flora Ahmeti e cila ka thënë se viktima është dërguar për tretman mjekësor.
Ahmeti ka bërë të ditur se personi i dyshuar është arrestuar dhe rasti është duke u hetuar.
“Sot rreth orës 15:00, kemi marrë informatën për një lëndim trupor të ndodhur në rrugën “Zahir Pajaziti” në Podujevë. Bazuar në të dhënat fillestare, në këtë rast nga një mjet i mprehtë dyshohet të jetë lënduar një person i cili është dërguar për trajtim mjekësor, ndërkohë që policia ka arrestuar personin e dyshuar. Në koordinim me prokurorinë policia ka nisur një hetim lidhur me rrethanat e këtij rasti”, ka deklaruar Ahmeti./teve1.info/
