Një i mitur është arrestuar në Prishtinë, pasi dyshohet se ka therur me thikë një person gjatë së enjtes, ka bërë të ditur Policia e Kosovës.
Si pasojë e lëndimeve të marra, viktima është dërguar për trajtim mjekësor në Qendrën Klinike Universitare të Kosovës (QKUK), ndërsa i dyshuari është ndaluar me vendim të prokurorit.
“Është arrestuar i dyshuari i mitur mashkull kosovar, pasi që i njëjti kishte therur me thikë viktimën mashkull kosovar. Viktima është dërguar në QKUK. I dyshuari pas intervistimit me vendim të prokurorit dërgohet në mbajtje”, thuhet në raportin e Policisë së Kosovës.
Policia nuk ka bërë të ditura rrethanat e ngjarjes, ndërsa rasti po hetohet nga organet kompetente.
