Një person i dyshuar për kryerjen e krimeve të luftës kundër popullatës civile është arrestuar të enjten në Aeroportin Ndërkombëtar “Adem Jashari”.
Sipas njoftimit të Policisë së Kosovës, ai dyshohet për përfshirje në veprimtari kriminale gjatë periudhës 24 prill – 26 maj 1999 në Prizren. Pas shoqërimit në stacion dhe intervistimit nga organet kompetente, i dyshuari është liruar në procedurë të rregullt me urdhër të prokurorit.
“Lidhur me veprën e cekur penale, me 11.12.2025 në Aeroportin ‘Adem Jashari’ është arrestuar i dyshuari mashkull kosovar, i cili pas intervistimit me urdhër të prokurorit është liruar në procedurë të rregullt”, thuhet në raportin 24-orësh të PK-së.
