Një i burgosur, 65-vjeçar, ka ndërruar jetë në mëngjesin e sotëm në Spitalin Rajonal të Pejës, raporton teve1.info.
Shërbimi Korrektues i Kosovës dhe Departamenti Shëndetësor i Burgjeve, kanë bërë të ditur se nga fillimi i mbajtjes së dënimit viktima është pranuar me sëmundje dhe komplikime shëndetësore.
“R.M., që nga fillimi i mbajtjes së dënimit është pranuar me sëmundje dhe komplikime shëndetësore, ku për shkaqe shëndetësore tërëë kohen është trajtuar nga mjekët e Stacionarit dhe specialistët konsultant të fushës”, thuhet në njoftim.
Sipas ShKK-së, pacienti sot, gjatë tërë ditës ka pasur përkeqësim të gjendjes shëndetësore me dyshime se ka sulm në zemër.
“I është dhënë ndihma mjekësore adekuate nga mjeku kujdestar dhe është transportuar me autoambulancë të burgut për në Spitalin Rajonal të Pejës duke iu dhënë ndihma adekuate dhe reanimimi kardiopulmonr tërë kohën”, ka bërë të ditur ShKK.
Në njoftim thuhet se përkundër përpjekjeve dhe angazhimit të stafit i burgosuri nuk arriti të mbijetojë sulmit.
“Organet kompetente janë duke u zhvilluar procedurat ligjore, ndërsa autopsia do të verifikoi shkakun e vdekjes”.
