Një grua ka raportuar në Policinë e Kosovës, se është dhunuar nga kolegu i punës në gusht të vitit të kaluar, në Fushë-Kosovë.
Sipas Policisë, viktima ka thënë se pas përfundimit të punës, kolegu i saj e ka shoqëruar në veturë, ku dyshon se është droguar e më pas u dhunua.
Në raportin e PK-së, thuhet se viktima dyshohet se ishte dhunuar, pasi që gjatë gjithë kohës i dyshuari e kishte kanosur dhe për këtë arsye nuk e ka raportuar rastin.
Lidhur me këtë rast, i dyshuari është intervistuar dhe me vendim të prokurorit është liruar në procedurë të rregullt.
“DHUNIM- Fushë Kosovë 22.08.2022 – 01:00. Me 17.03.2023 viktima femër kosovare ka raportuar se pasi kishte përfunduar punën, i dyshuari mashkull kosovar kolegu i saj e kishte shoqëruar me veturë. Gjatë gjithë kohës sipas viktimës i dyshuari kishte pirë duhan duke i hedhur tymin në fytyre saj, ku viktima dyshon se kishte qenë narkotikë dhe nuk kishte më në dijeni se çfarë kishte ndodhur. Andaj viktima dyshon se ishte dhunuar pasi që pastaj gjatë gjithë kohës i dyshuari e kishte kanosur dhe për këtë arsye nuk e kishte raportuar rastin. I dyshuari është intervistuar dhe me vendim të prokurorit është liruar në procedurë të rregullt”, thuhet në njoftimin e Policisë së Kosovës.
