Një grua është gjetur pa shenja jete në fshatin Dardhishtë në Obiliq.
Rasti është konfirmuar nga Policia e Kosovës, të cilët kanë bërë të ditur se për rastin janë njoftuar rreth orës 18:00.
Zëdhënësja e Policisë, Flora Ahmeti, ka thënë për teve1.info se vdekjen e viktimës e ka konstatuar ekipi mjekësor në vendin e ngjarjes.
“Aktualisht policia me kujdes të shtuar ka nisur hetimin e rastit si vdekje e dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit”, ka thënë Ahmeti.
Trupi i pajetë i viktimës është dërguar për në Institutin e Mjekësisë Ligjore për obduksion.
