Një grua dyshohet se ka bërë vetëvrasje të premten në Prizren.
Në raportin 24-orësh të policisë thuhet se në vendin e ngjarjes është gjetur dhe konfiskuar një armë e cila dyshohet se është përdorur nga viktima.
Policia ka bërë të ditur se me urdhër të prokurorit, trupi i pajetë është dërguar në IML për obduksion.
“Prizren 01.05.2026 – 12:05. Ankuesi mashkull kosovar, raporton se gruaja e tij viktima femër kosovare dyshohet se ka bërë vetëvrasje, vdekjen e të cilës e ka konstatuar mjeku. Njësitë relevante policore kanë dalë në vendin e ngjarjes, ku është gjetur dhe konfiskuar një armë e cila dyshohet që është përdorur nga viktima. Me urdhër të prokurorit trupi i pajetë është dërguar në IML për obduksion”, thuhet në raport./teve1.info/
