Një foshnjë tetë-muajshe ka vdekur në enjten nga i ftohti i ashpër në Khan Younis në Gaza, derisa familjet përballen me kushte tejet të vështira pas zhvendosjeve për shkak të luftës dy-vjeçarë të Izraelit në enklavë.
Foshnja e quajtur, Rafah Abu Jazar, vdiq pasi temperaturat u ulën shumë, ndërsa familjet dhe fëmijët po strehohen në tenta të brishta.
Vdekjen e ka konfirmuar drejtori i Ministrisë së Shëndetësisë së Gazës, Munir al-Bursh, i cili tha se edhe shumë fëmijë dhe pleq janë në rrezik nga temperaturat e ulëta dhe kushtet e rënda.
“Vazhdonte të binte shi dhe i ftohti po përkeqësohej. Papritmas, e gjeta foshnjën time të vogël të palëvizshme, të vdekur”, tha nëna e foshnjës për Al Jazeera.
Mbrojtja Civile Palestineze në Gaza ka njoftuar se tre ndërtesa u shembën në qytetin e Gazës për shkak të stuhisë së vazhdueshme, por nuk është raportuar për të lënduar.
Sipas Mbrojtjes Civile të Gazës, shumica e kampeve me tenda në të gjithë enklavën u përmbytën për shkak të stuhisë, me ekipet e shpëtimit që morën më shumë se 2,500 thirrje për ndihmë nga palestinezët.
Hamasi ka fajësuar Izraelin për “kushtet tragjike” që po përjetojnë palestinezët në Gaza për shkak të bllokadës së vazhdueshme të materialeve për të siguruar strehimore.
“U bëjmë thirrje ndërmjetësve dhe garantuesve që të bëjnë presion mbi qeverinë pushtuese për të lejuar hyrjen e materialeve të nevojshme për strehim dhe për të hapur pikën e kalimit të Rafah në të dyja drejtimet”, tha grupi palestinez.
Hamasi tha se Izraeli po “nuk po i përmbahej angazhimeve të tij sipas marrëveshjes së armëpushimit”.
