Një foshnjë është dërguar pa shenja jete në Spitalin e Pejës të dielën.
Rasti është konfirmuar nga Policia e Kosovës.
Driton Rugova zëdhënës për rajonin e Pejës ka thënë për teve1.info se foshnja ishte dërguar për kontroll por nga mjeku kujdestar është konstatuar se ka arritur pa shenje jete.
“Sot rreth orës 08:30, Policia është informuar se një foshnjë është dërguar në spitalin rajonal për kontroll mjekësor, dhe nga mjeku kujdestar është konstatuar se foshnja ka arritur në spital pa shenja jete. Në vendngjarje kanë dalë njësitet relevante dhe në konsultim me prokurorin e shtetit foshnja dërgohet në Institutin e Mjekësisë Ligjore në Prishtinë për obduksion”- ka thënë ai.
Ai ka thënë se rasti është duke u hetuar dhe është cilësuar si “Vdekje e dyshimit”./teve1.info/
