Një vajzë dy vjeçare është vrarë dhe 22 të tjerë janë plagosur pas një sulmi të dyshuar ajror rus në një zonë të banuar të qytetit qendror të Ukrainës Dnipro, shkruan BBC.
Trupi i saj u nxor nga rrënojat e një shtëpie në komunitetin Pidhorodnenska gjatë natës, tha guvernatori i rajonit, Serhiy Lysak, si dhe shtoi se pesë nga të plagosurit ishin fëmijë, me tre djem në gjendje të rëndë në spital.
Volodymyr Zelensky ka fajësuar Rusinë për sulmin, por Kremlini ende nuk ka komentuar mbi ngjarjet.
Shpërthime janë dëgjuar edhe mbi kryeqytetin, Kiev, ku sistemet e mbrojtjes ajrore janë vendosur sërish. I gjithë vendi u vendos nën alarmet e sulmeve ajrore më herët.
Zelensky e përshkroi shpërthimin në Dnipro si një sulm të qëllimshëm rus, megjithëse Rusia më parë ka mohuar të ketë shënjestruar civilët gjatë pushtimit të vendit fqinj.
Zjarret shpërthyen pas sulmit të supozuar në një lagje veriore të qytetit, sipas guvernatorit rajonal, i cili tha se 17 nga të plagosurit në shpërthim u dërguan në spital.
Shpërthime janë raportuar edhe në pjesë të tjera të vendit. Të gjitha raketat që synonin qytetin u rrëzuan, shkroi Serhiy Popko në kanalin e mesazheve Telegram.
Zyrtarët në Sumy, në veri, regjistruan 87 shpërthime si rezultat i granatimeve ruse, duke folur për lëndime dhe shkatërrime të infrastrukturës. /teve1.info/
