Ky takim ka ardhur një ditë pasi Szunyog hodhi kritika ndaj KPK-së lidhur me propozimin e emërimit të Blerim Isufajt në pozitën e Kryeprokurorit të Shtetit.
Përmes një postimi në Twitter, Szunyog u shpreh se në takim me Malokun kanë diskutuar mbi performancën e sistemit prokuroria dhe kanë rënë dakord për intensifikim të bashkëpunimit.
“Pas seancës së djeshme të Këshillit Prokurorial të Kosovës, sot jam takuar me kryetarin e KPK-së, z. Jetish Maloku, për të diskutuar mbi performancën e sistemit prokurorial. Ne ramë dakord të intensifikojmë bashkëpunimin tonë që synon të japë drejtësi për njerëzit e Kosovës në mënyrë efikase dhe të paanshme”, shkroi ai.
Following yesterday's session of the Kosovo Prosecutorial Council, today I met with the KPC Chair, Mr Jetish Maloku, to discuss the performance of the prosecutorial system.
We agreed to intensify our co-op aimed at delivering justice to the people of 🇽🇰efficiently & impartially.— Ambassador Tomáš Szunyog (@EUAmbKS) April 7, 2022
Ndryshe, të mërkurën Szunyog është shprehur i zhgënjyer pas propozimit të Këshillit Prokurorial të Kosovës për emërimin e Blerim Isufajt si kryeprokuror i Shtetit.
Ai tha se përkundër thirrjeve të BE-së për të siguruar një përzgjedhje të drejtë dhe transparente, KPK i ka shpërfillur ato.
“Me gjithë thirrjet e vazhdueshme të Bashkimit Evropian për të siguruar një përzgjedhje të drejtë, transparente dhe të bazuar në merita për Kryeprokuror të Shtetit, Këshilli Prokurorial i Kosovës e përmbylli procesin e përzgjedhjes duke shpërfillur këto parime. Të habitur dhe të zhgënjyer me veprimet e KPK-së”, kishte shkruar ai./teve1.info/
