Kryeministri në detyrë i Kosovës, Albin Kurti, ka udhëtuar të hënën drejt Austrisë për një vizitë zyrtare dyditore, gjatë së cilës do të zhvillojë takime me përfaqësues të lartë shtetërorë dhe ekonomikë.
Sipas njoftimit të Zyrës së Kryeministrit, agenda e vizitës përfshin një takim me Christian Stocker, kancelarin e Austria, me të cilin pritet të diskutohen marrëdhëniet dypalëshe dhe çështje me interes të përbashkët.
Gjatë qëndrimit në Vjenë, Kurti do të marrë pjesë edhe në Vienna Economic Forum, ku pritet të zhvillohen diskutime mbi bashkëpunimin ekonomik, investimet dhe perspektivat e zhvillimit në rajon.
Nga Zyra e Kryeministrit nuk janë bërë publike detaje shtesë rreth takimeve të tjera që mund të zhvillohen gjatë qëndrimit të tij në Austri.
