Ekipi i Forcës së Sigurisë së Kosovës po i bënë edhe përgatitjet e fundit për terren.
Në këtë formë, ekipi i kërkim – shpëtimit të FSK-së, po e nisë edhe një ditë pune.
E lokacioni i kërkimeve këtë herë do të jetë lumi Drini i Bardhë.
Këta morën informacionin se më 16 qershor një grua u hodh në lum nga Ura e Fshajtë në Gjakovë.
Por, reshjet e fundit kanë bërë që dukshmëria në lum të jetë tejet ulët.
Për këtë, ushtarët po e përgatisin këtë skaner nënujor më të cilin do të kërkohet e rëna në lum.
“Në bazë të këtij skaneri në e mundëson dhe lehtëson punën për 80-90%, që mos me bë vet zhytje sepse po e shihni se sa i turbullt është uji, jep disa shenja se si duket forma e njeriut”, Avdush Paçarizi, rreshter i parë i kompanisë së kërkim – shpëtimit
Rreshteri Avdush Paçarizi, për Tëvë1, ka treguar se cilat janë metodat që i përdorin në raste të tilla të kërkimeve.
“Varet nga terreni, në disa vende i vendosim litarët në ujë, formojmë korridore…kemi edhe (kërkime) sipërfaqësore, por me këtë metodë mundemi vetëm kur mbërrin uji deri tek qafa, nëpër shkurre dhe ku i kemi dyshimtë më të mëdha….i kemi edhe kamerat, por pas testimit këtu, shumë pak punë po na bën për shkak të dukshmërisë së ulët, dukshmëria është zëro”, thotw ai.
E përgatitja për misione të tilla duhet të jetë e nivelit me të lartë.
“Më së pari i përgatisim me notin, i përgatitim me zhytje por edhe e kemi shkollën që i përgatit, një zhytës duhet me qenë i përgatitur shumë mirë dhe i licencuar”, tregon Paçarizi.
E skaneri nënujor në mesditë dha edhe shenjat e para.
Në 8 metra thellësi, pamjet treguan se ka diçka që i ngjason një trupi njeriu.
Për vërtetimin e kësaj duhet edhe konfirmimi nga afër.
E në këto kushte, kjo mund të bëhet vetëm nga zhytësit profesionalë të këtij ekipi.
Përgatitja për zhytje duket se kërkon kohë.
E para zhytjes, testohen edhe një herë pajisjet.
Madje, për raste të papritura kërkohet edhe kjo.
Para zhytjes, rreshteri Paçarizi, tregon se me çfarë duhet të pajisjet një zhytës para këtij kërkimi.
“Një pjesëtar i kërkim shpëtimit, i përgatit pajisjet që janë jelekun, rrobat, dorëzat, batarinë, barometrin që e mat shtypjen e ujit, këpucat, kapelën”, thotw rreshteti Paçarizi.
Pas disa minutash, vjen edhe momenti i zhytjes.
Për sigurinë e zhytësit në mbi 8 metra thellësi, situata po monitorohet nga kjo barkë.
Pas dhjetë minutash në sipërfaqen e lumit, del edhe një herë zhytësi.
Ky e konfirmon se sinjalet e skanerit nuk ishin ato që po shpresonin në këtë ditë kërkimi.
Por, si vepron ekipi i kërkim-shpëtimit në rastet kur gjendet një trup i pajetë?
“Përgjegjësia e jona është ta nxjerrim trupin deri në breg dhe ia dorëzojmë organeve kompetente”, shprehet Paçarizi.
Ai ka kërkuar edhe ndihmën e qytetarëve në rastet e tilla.
Por ai ka bërë thirrje që informatat që jepen në këso raste të jenë sa më të sakta.
