Për plot një dekadë, kosovarët morën urime të ndryshme nga politikanët për liberalizimin e vizave. Hashim Thaçi, Ramush Haradinaj e Isa Mustafa, ishin ish-kryeministrat që disa herë i uruan kosovarët për heqjen e vizave. Megjithatë kjo nuk ndodhi në qeverisjen e tyre, pavarësisht se disa herë u tha se Kosova i ka përmbushur të gjitha kriteret për lëvizjen pa viza.
Urimet filluan qysh në vitin 2016.
Mw 4 maj 2016 Hashim Thaçi uroi liberalizimin e vizave.
Në këtë formë, ish kryeministri i Kosovës, Hashim Thaçi, po ua uron kosovarëve liberalizimin e vizave.
E po atë ditë, me 4 maj të 2016, u hap edhe shampanja.
Kështu kabineti i ish-ministrit të Integrimeve Evropiane, Bekim Çollaku, filloi festën për heqjen e vizave.
Krejt kjo pasi komisionari për Komisioneri për Migrim, Çështje të Brendshme dhe Shtetësi, Dimitris Avramopoulos, propozoi heqjen e vizave për qytetarët e Kosovës.
Kjo meqë u konstatua se qysh në vitin 2016, Kosova i përmbushi të gjitha kriteret e udhërrëfyesit të saj për liberalizimin e vizave.
Por, përplasjet e brendshme rreth demarkacionit me Malin e Zi, bën që kosovarët të presin në radhë për viza para ambasadave të huaja edhe për disa vite.
E Çollaku ishte prezent edhe një urim tjetër.
Këtë radhë, ishte pasardhësi i Thaçit në karrigen e kryeministrit, Isa Mustafa.
Në po atë vit, edhe ish-ministri i punës dhe mirëqenies sociale nga LDK, Arban Abrashi, uroi liberalizimin e vizave përmes kësaj fotografie duke thënë se perspektiva evropiane mori kuptimin e plotë.
Por, edhe kushtin e vënë për liberalizimin e vizave nga Parlamenti Evropian Kosova e përmbushi në vitin 2018.
Kundërshtuesi më i madh i demarkacionit me Malin e Zi, Ramush Haradinaj, ndërroi qëndrim.
Menjëherë pas kësaj, edhe një kryeministër i Kosovës, iu shtua listës së urimeve për heqjen e vizave.
Mjaftë optimiste në vitin 2018, u shpreh edhe ish-ministrja e drejtësisë, Dhurata Hoxha.
E fjalë të mëdha në po atë vit, dha edhe Hashim Thaçi, tashmë në cilësinë e presidentit të vendit.
Por, pavarësisht urimeve vizat nuk u hoqën.
Shpresat kosovarëve atë vit, ua shoi komisionieri evropian, Johannes Hahn në Prishtinë.
Zhvillimet në Bruksel bën që Haradinaj për vizat të dal edhe një herë para gazetareve.
Këtu ish-shefi i ekzekutivit, tha se liberalizimi ndodhi, bile pa dijeninë e kosovarëve.
Urimet e shpeshta të politikanëve, ranë në syrin e kosovarëve.
Madje, shumë prej tyre, u kthyen në humor.
Por, as në 6 vitet e ardhshme kosovarët nuk do të hynin në zonën Schengen pa viza.
Për këtë, këta të fundit nisën një peticion qytetar për liberalizimin e vizave, të cilin e nënshkruan afër mbi 60 mijë persona.
E pritjes së gjatë të kosovarëve për të udhëtuar pa viza, i erdhi fundi me 1 janar të vitit 2024.
Kjo pasi që paraprakisht Parlamenti Evropian në prill të 2023 votoi pro liberalizimit të vizave.
Këtë kryeministri aktual i vendit, Albin Kurti, e cilësoi si arritjen më të madhën në politikën e jashtme të vendit.
Nga 1 janari kosovarët do të kenë të drejtë të qëndrojnë në zonën Schengen për 90 ditë brenda një periudhe prej 180 ditësh.