Një burrë ka raportuar në Policinë e Kosovës se është sulmuar nga dy persona gjatë kohës që ishte në vendin e punës në Suharekë, më 11.06.2026.
Sipas raportit të Policisë së Kosovës, dy të dyshuarit më pas i kanë marrë me forcë nga xhepi një shumë parash dhe janë larguar nga vendi i ngjarjes.
Policia ka bërë të ditur se viktima nuk ka pësuar lëndime si pasojë e rastit.
Lidhur me ngjarjen, organet e rendit kanë njoftuar se rasti është duke u trajtuar nga ekipet relevante.
“Ankuesi mashkull kosovar ka raportuar se deri sa ishte në vendin e punës në hyrje të lokalit ishte sulmuar nga dy të dyshuar dhe me forcë i kanë marrë nga xhepi një shumë parashë. Të dyshuarit janë larguar nga vendi i ngjarjes. Viktima nuk ka pësuar lëndime, ndërsa rasti vazhdon të trajtohet nga ekipet relevante”, thuhet në raportin e Policisë së Kosovës./teve1.info/
