Një person është sulmuar fizikisht nga dy të tjerë, dje në Podujevë.
Viktima ka raportuar në polici se derisa e kishte dërguar veturën e tij në servis për të riparuar disa pjesë, si shkak i një mosmarrëveshje është sulmuar nga punëtorët e servisit.
Lidhur me këtë, në raportin ditor është bërë e ditur se dy të dyshuarit janë intervistuar dhe me vendim të prokurorit janë dërguar në mbajtje.
“Viktima mashkull kosovar ka raportuar se derisa e ka dërguar veturën e tij në servis për të riparuar disa pjesë, pas një mosmarrëveshje është sulmuar fizikisht nga dy punëtorë te servisit-të dyshuarit meshkuj kosovar, të cilët janë intervistuar dhe me vendim të prokurorit, janë arrestuar dhe dërguar në mbajtje”, thuhet në njoftim./teve1.info/
