Një burrë në Gjilan vdes një ditë pas një kontrolle në spital, policia nis hetimet

Një person ka vdekur duke u dërguar në emergjencë, të shtunën në Gjilan.

Kështu thotë policia, derisa rastin e ka raportuar një person, i cili është ankuar se viktima ka qenë në spital për kontroll një ditë më parë, por të nesërmen i është keqësuar gjendja shëndetësore.

Në raportin ditor është kumtuar se Policia e Kosovës ka nisur hetimet për këtë rast.

“Ankuesi mashkull kosovar ka raportuar se viktima mashkull kosovar me 29.11.2024 ka qenë në spital për kontroll mjekësor dhe është liruar, ndërsa sot i është keqësuar gjendja shëndetësore dhe duke u derguar në emergjencë, i njëjti ka vdekur. Rasti vazhdon të hetohet”, thuhet në njoftim të PK-së./teve1.info/