Policia e Kosovës ka njoftuar se të enjten në Kllokot është gjetur pa shenja jete një burrë.
Në komunikatën për media thuhet se vdekjen e tij e ka konstatuar ekipi mjekësor nga QMF-ja në Viti.
“Lidhur me rastin, ekipi mjekësor nga QMF-Viti ka konstatuar vdekjen e viktimës, mashkull kosovar,” theksohet në njoftimin e policisë.
Po ashtu, autoritetet kanë bërë të ditur se pas konsultimeve me prokurorin, trupi i pajetë është dërguar në Institutin e Mjekësisë Ligjore për obduksion.
“Rasti është iniciuar si ‘vdekje e dyshimtë’ dhe është duke u hetuar,” thuhet më tej në komunikatë.
