Presidenti i El Salvadorit ka thënë se pas orësh pune intensive, ekipet e shpëtimit kanë liruar Aaron Levi Cantillo Vargas, 21 vjeç, i cili ishte bllokuar nën një ndërtesë në Caraballeda, La Guaira, duke e quajtur operacionin “një mrekulli”.
“Ky shpëtim u bë i mundur falë përpjekjeve të koordinuara të ekipeve të shpëtimit nga Venezuela , Meksika dhe El Salvadori, të cilët punuan pa u lodhur për të arritur te Aaroni”, shkroi Nayib Bukele në një postim në rrjetet sociale, duke shtuar se 21-vjeçari tani po merr kujdes të specializuar mjekësor.
Ndarkohë, një tërmet pasues me magnitudë 4.6 ballë me epiqendër në një thellësi prej 10 km goditi në veri të kryeqytetit të Venezuelës, Karakas, herët të hënën, sipas Shërbimit Gjeologjik të SHBA-së, raporton Guardian.
Nuk u raportuan menjëherë dëme nga lëkundja pasuese.
Tërmetet binjake të së mërkurës kanë lënë të vdekur gati 1,500 persona, tha në mediat sociale presidenti i Asamblesë Kombëtare, Jorge Rodriguez.
