Një 19-vjeçar ka humbur jetën ku sipas raportimeve të para dyshohet se është vetakidentuar me motoçikletë, pasditen e së mërkurës në fshatin Llazicë të Malishevës.
Lajmi është konfirmuar nga Policia e Kosovës.
Zëdhënësja e Policisë së Kosovës për rajonin e Gjakovës, Vlera Krasniqi, ka bërë të ditur për teve1.info se rasti është raportuar rreth orës 15:40 në rrugën magjistrale Prishtinë–Pejë.
“Sot, rreth orës 15:40, në rrugën magjistrale Prishtinë-Pejë, përkatësisht në fshatin Llazicë të Malishevës, dyshohet se një person është vetaksidentuar me motoçikletë. Menjëherë pas pranimit të informacionit, në vendin e ngjarjes kanë dalë njësitë përkatëse policore, si dhe ekipi mjekësor, ku mjeku ka konstatuar në vendin e ngjarjes se drejtuesi i motoçikletës (mashkull, 19 vjeçar) ishte pa shenja jete”, ka njoftuar Krasniqi.
