Në ambientet e Regjimentit të Këmbësorisë së Jugut në Poshnjë, është zhvilluar ceremonia e nisjes së Kontingjentit “KFOR 8”, i cili do të dislokohet në Pejë, në kuadër të misionit paqeruajtës të udhëhequr nga NATO.
Efektivët e Forca Tokësore janë nisur drejt misionit me fokus në ruajtjen e paqes, sigurisë dhe stabilitetit në rajon, duke kontribuar përkrah forcave aleate ndërkombëtare.
Gjatë ceremonisë u theksua rëndësia e profesionalizmit, disiplinës dhe përkushtimit të ushtarakëve shqiptarë në operacionet jashtë vendit, si pjesë e angazhimeve të Shqipërisë në misionet ndërkombëtare.
Kontingjenti “KFOR 8” pritet të shërbejë në mbështetje të misionit paqeruajtës në Kosovë, duke forcuar bashkëpunimin me aleatët dhe duke kontribuar në ruajtjen e sigurisë në rajon.
Forca Tokësore u uroi suksese efektivëve në detyrë dhe kthim të sigurt në atdhe.
