Është nisur drejt Turqisë edhe një ekip i Forcës së Sigurisë së Kosovës, për të mbështetur operacionet e Kërkim-Shpëtimit të kontingjentit të FSK-së, në Zonën e Operacionit.
Kjo është bërë e ditur në njoftimin e Forcës së Sigurisë së Kosovës.
“Është nisur sot edhe një ekip i Forcës së Sigurisë së Kosovës, për të mbështetur operacionet e Kërkim-Shpëtimit të kontingjentit të FSK-së, në Zonën e Operacionit në Republikën e Turqisë”, thuhet në komunikatë.
Sipas njoftimit, oficerë e nënoficerë do t’i bashkohen kontingjentit për të mbështetur operacionet me personel dhe pajisje specialisitike të punës.
“Ekipi i përbërë nga oficeë e nënoficerë do t’i bashkohet kontingjentit për të mbështetur operacionet me personel dhe pajisje specialistike të punës që do të ndihmojnë në zhvillimin sa më efikas të operacioneve”, thuhet më tej në komunikatën e FSK-së. /Teve1.info/
