Ka nisur takimi mes presidentes së Kosovës, Vjosa Osmani dhe të dërguarit të BE-së për dialogun Kosovë-Serbi, Miroslav Lajçak.
Pas këtij takimi Lajçak do të zhvillojë një takim edhe me kryeministrin e vendit, Albin Kurti.
Sipas njoftimit të Qeverisë takimi pritet të nisë nga ora 16:00.
Për këtë takim Kurti ka folur në konferencën për media me homologët nga Holanda dhe Luksemburgu, tha se takimi me Lajçak vije pas një bisede që ka pasur me përfaqësuesin për Siguri dhe Politikë të Jashtme të BE-së, Josep Borrell, ku biseduar për situatën në veri të vendit.
Siç është raportuar dje në media, gjatë kësaj jave, Lajçak do të vizitojë Kosovën dhe Serbinë, në përpjekje për të shtensionuar situatën në veri të Kosovës dhe për të bindur palët që të kthehen në dialog.
BE-ja vazhdon të përsërisë thirrjet për të dyja palët që të bëjnë hapa të menjëhershëm për shtensionimin e situatës dhe të kthehen në dialogun për normalizimin e raporteve, që e ndërmjetëson Brukseli../teve1.info./
