Drejtori i Policisë së Kosovës, Gazmend Hoxha, ka arritur te objekti i Ministrisë së Drejtësisë për takimin e thirrur nga Ministrja Albulena Haxhiu, pas dy vrasjeve të fundit të grave në vend.
Në këtë takim po marrin pjesë edhe Kryesuesi i Këshillit Prokurorial, Kryesuesi i Këshillit Gjyqësor dhe ushtruesi i detyrës së Kryeprokurorit.
Ftesës për takim i është përgjigjur edhe Ministri i Punëve të Brendshme, Xhelal Sveçla.
Ndryshe, një vrasje ka ndodhur sot në mëngjes në Pejë, ku Gjyljeta Ukelli dyshohet se është vrarë nga bashkëshorti.
