Presidentja e Kosovës, Vjosa Osmani, ka nisur takimin me krerët e partive politike parlamentare për të diskutuar lidhur me caktimin e datës të mbajtjes së zgjedhjeve të rregullta parlamentare.
Në takim nuk janë të pranishëm askush nga partia e Lëvizjes Vetëvendosje.
Ndërkohë, që të pranishëm janë kryetari i Partisë Demokratike të Kosovës, Memli Krasniqi, ai i Lidhjes Demokratike të Kosovës, Lumir Abdixhiku e kryetari i Aleancës për Ardhmërinë e Kosovës, Ramush Haradinaj. Mimoza Kusari-Lila përfaqëson partinë Alternativa, kurse Faton Peci udhëheq “Listën GUXO”.
Viti 2025 do të jetë vit i rregullt zgjedhor nëse partitë vendosin që të mbahen zgjedhje të rregullta dhe jo të parakohshme.
Pra, me këtë Qeveria e udhëhequr nga Albin Kurti do të jetë Qeveria e parë që nga shpallja e pavarësisë, që do ta përfundojë mandatin e plotë katërvjeçar.
Që një kohë të gjatë, partitë opozitare kanë kërkuar mbajtjen e zgjedhjeve të parakohshme, por më herët gjatë këtij viti dështuan të arrinin pajtim se si të shkohet në zgjedhje./teve1.info/
