Instituti për Krimet e Kryera gjatë Luftës bashkë me Institutin e Antropologjisë të Universitetit të Prishtinës, Bibliotekën Kombëtare dhe Muzeun Kombëtar të Kosovës, kanë filluar projektin “Kujtesa e masakrave në Kosovë”.
Kryeministri në detyrë, Albin Kurti ka thënë se ky projekt trevjeçar është i mbështetur nga Ministria e Kulturës, Rinisë dhe Sportit dhe ka për synim dokumentimin e 10 masakrave më të rënda të kryera gjatë luftës 1998–99, nëpërmjet rrëfimeve të mbi 1000 të mbijetuarve dhe dëshmitarëve.
Kurti ka theksuar se dokumentimi i krimeve të luftës, krimeve kundër njerëzimit dhe gjenocidit të kryer nga Serbia në Kosovë është obligim moral e kombëtar, për kujtesën kolektive, drejtësinë dhe paqen.
