Ka nisur numërimi i votave të diasporës që votuan në përfaqësi diplomatike për zgjedhjet e 9 shkurtit në Kosovë.
Zëdhënësi i KQZ-së, Valmir Elezi ka thënë se 15 mijë e 352 shtetas të Kosovës kanë votuar në përfaqësi.
Tutje Elezi tha se votimi është organizuar në 16 ambasada dhe 14 konsulta në 19 shtete të ndryshme.
“15 e 352 shtetas të Kosovës kanë votuar në përfaqësi. Votimi është organizuar në 16 ambasada dhe 14 konsullata në 19 shtete të ndryshme”, ka thënë ai.
Më tej, ai tha se pas përfundimit të numërimit të fletëvotimeve nga jashtë Kosovës, në proces të numërimit do të përfshihen edhe fletëvotimet nga votimi me kusht si dhe fletëvotimet e personave me nevoja të veçanta./teve1.info/
