Në Zubin Potok ka filluar mbledhja e nënshkrimeve të peticionit për shkarkimin e kryetarit aktual, Izmir Zeqiri.
Ekipi i Tëvë1 po qëndron atje, prej ku ka sjellë pamjet që tregojnë se tashmë tendat janë vendosur dhe qytetarët kanë nisur të dalin për të dhënë nënshkrimet e tyre.
Kujtojmë që afati i mbledhjes së nënshkrimeve për shkarkim të kryetarëve në Leposaviq, Mitrovicë të Veriut e Zubin Potok përfundon më 22 janar, ndërsa në Zveçan më 27 janar.
Nëse KQZ-ja konfirmon se peticioni ka qenë i suksesshëm, më pas organizohet votimi për shkarkimin e kryetarëve. Ky votim duhet të mbahet brenda 45 ditësh. Që ky votim të jetë i suksesshëm, kërkohen 50 për qind, plus një votë e qytetarëve me të drejtë vote. Më pas, rezultati i dërgohet presidentes së Kosovës, Vjosa Osmani, e cila ka afat nga 30 deri në 45 ditë që të shpallë zgjedhjet e parakohshme. /teve1.info/
