Ka nisur menaxhimi digjital i radhëve në Qendrën për Shërbim me Qytetarë, në kuadër të reformave administrative, kështu ka bërë të ditur Komuna e Prishtinës.
Sipas njoftimit të komunës, 9 sportele do të jenë në dispozicion të qytetarëve.
“Duke u bazuar në kërkesat e shumta të qytetarëve, çdo qytetar që do të kërkojë shërbim në Qendrën për Shërbim me Qytetarë, do të nxjerrë tiketën nga sistemi për menaxhimin e radhëve”, thuhet në njoftim.
Tutje është bërë e ditur se qytetarët këtë shërbim mund t’a realizojnë nga ora 08:00 – 16:00./teve1.info/