Sot, në Kosovë është mbajtur procesi i votimit për zgjedhjet lokale.
Qytetarët kanë votuar për kryetarë të komunave dhe përfaqësues të kuvendeve komunale.
KQZ-ja njoftoi se pjesëmarrja në votime deri në orën 18:00 ishte mbi 32 për qind.
Ndërkohë, të drejtë vote kanë 2 milionë e 69 mijë e 98 votues brenda Kosovës, ndërsa rreth 44 mijë votues kanë qenë të regjistruar për të votuar nga jashtë vendit.
Institucionet e Kosovës dhe misionet ndërkombëtare u kanë bërë thirrje qytetarëve të votojnë lirshëm dhe pa ndikime të jashtme.
