Në Gjykatën Themelore në Prishtinë ka nisur shqyrtimi gjyqësor ndaj Fatmir Shehollit, i akuzuar nga Prokuroria Speciale për spiunazh në favor të BIA-s serbe.
Sikurse në seancën fillestare të mbajtur më 7 shtator, edhe në seancën e sotme Sheholli nuk e ka pranuar fajësinë për akuzat që i vihen në barrë.
Para trupit gjykues, Sheholli është deklaruar i pafajshëm.
“Absolutisht i pafajshëm”, ka thënë Sheholli para Gjykatës.
Ndryshe, sipas aktakuzës së Prokurorisë Speciale, Sheholli dyshohet se, deri më 9 tetor 2025, ka vepruar si person i rekrutuar nga Shërbimi Informativ i Serbisë, BIA, duke zbatuar urdhrat e një zyrtari të këtij shërbimi.
Prokuroria pretendon se ai ka siguruar informacione lidhur me aktivitetet politike, sigurinë dhe funksionimin e institucioneve të Republikës së Kosovës, të cilat më pas dyshohet se ua ka përcjellë zyrtarëve të BIA-s.
Në aktakuzë pretendohet gjithashtu se Sheholli ka zbatuar një plan operativ, të përgatitur nga një zyrtar i BIA-s serbe, me qëllim të dëmtimit të interesave të Republikës së Kosovës./teve1.info/
