Komuna e Prishtinës ka njoftuar se nga 1 deri më 14 tetor 2026 do të zhvillohet faza vjeshtore e deratizimit në territorin e kryeqytetit.
Sipas njoftimit të komunës, punimet do të realizohen në rrjetin e kanalizimit, garazhe, bodrume dhe hapësira publike, në përputhje me renditjen e zonave dhe oraret e përcaktuara në planin dinamik.
Për rrjetin e kanalizimit, aktivitetet do të zhvillohen kryesisht në orarin 20:00–24:00, ndërsa ndërhyrjet në bodrume dhe garazhe publike do të realizohen sipas orareve të përcaktuara për secilin lokacion.
Komuna u ka bërë thirrje qytetarëve që të kenë parasysh datat dhe zonat e përfshira në planin e deratizimit, duke kërkuar mirëkuptim dhe bashkëpunim gjatë realizimit të këtyre aktiviteteve.
Faza vjeshtore e deratizimit synon trajtimin e hapësirave të përcaktuara në territorin e kryeqytetit, sipas planit të hartuar nga institucionet përkatëse./teve1.info/
