Artan Nimani kandidat për deputet nga Nisma Socialdemokrate ka thënë se bashkimi me Partinë Demokratike të Kosovës dështoi për shkak të siç ka thënë ai, një grupi të caktuar të njerëzve.
Nimani në emisionin “Ditari” në Tëvë1 ka thënë se shumë anëtarë dhe votues të kësaj partie ishin që të ketë bashkëpunim.
Ai tha se presin që kjo të ndodhë pas zgjedhje, ku sipas tij do të jenë grupi më i madh në Kuvend.
Sipas Nimanit, pas Nismës Socialdemokrate për zgjedhjet e 28 dhjetorit janë rreshtuar edhe votues të PDK-së.
Në momentet e fundit kishte disa paqartësi të cilat nuk e di pse ka ndodhur, pasi ne kemi pasur dëshirë t’i bashkohemi pa asnjë kusht.
“Ky bashkim nuk ndodhi për shkak të disa elementeve të vogla të strukturave të PDK-së, por ky bashkim do të ndodhë në teren, sepse kemi një numër të madh të njerëzve, simpatizantë edhe të PDK-së që janë rreshtuar me z.Fatmir Limaj dhe me numrin 122, të cilët do ta në mundësojnë që të bashkohemi pas zgjedhjeve në Parlamentin e Kosovës si grupi më i madh”, tha ai.
Sa i përket dështimit të koalicionit me LDK-në, Nimani tha se kanë pasur diskutime korrekte, por tha se “ka dallime në elektorat nga të dyja palët”.
Ai tha se nga zgjedhjet presin rezultate të mira për këtë pari.
Nimani u shpreh se janë të vetëdijshme për sfidat që të bëhet pjesë e Kuvendit, por ai tha se kanë nevojë për mbështetje elektorale që të kalojnë pragun, për siç ka thënë ai të bëhet ndryshimi i madh në vend.
