Artan Nimani nga Nisma Socialdemokrate, thotë se deklaratat e presidentit serb, Aleksandër Vuçiq për luftë janë qesharake, madje aspak serioze.
Ai ka thënë se më shqetësuese i sheh deklaratat lidhur me zhvillimet e fundit të sigurisë në vend, duke u ndalur tek dronët e dyshimtë që janë raportuar se janë parë në Kosovë.
“Mua më shqetësojnë deklaratat kontradiktore të KFOR-it dhe të Policisë së Kosovës. Madje, ministri i Brendshëm paraqiti me video nëse janë të vërteta dronët e dyshimtë të cilët incizonin dhe mbikëqyrnin në disa vende, edhe deklaratat e Hoxhës që tha se kemi pasur një cenim e dronë të pakontrolluar. Unë mendoj se siç ishte në Mynih dhe aeroporte të Danimarkës dhe të Finlandës mendoj se është një testim nervash i partnerëve dhe i NATO-s. Ma shumë e shoh si një luftë hibride, e cila po zhvillohet në nivel global sesa që ka ndonjë faktor realist”, deklaroi Nimani në emisionin “Info Nata” në Tëvë1.
Ai tha se Kosova nuk duhet të bjerë në kurthin e tensioneve të panevojshme.
