Kryetarja e Kuvendit të Shqipërisë, Lindita Nikolla, ka takuar delegacionin e Shqipërisë në Këshillin e Evropës dhe ambasadorin e Kosovës në Shqipëri, Skënder Dyrmishi, ku kanë diskutuar për votimin në Asamblenë Paralamnetar për pranimin e Kosovës në KiE.
Ajo ka thënë se votimi i javës së ardhshme është një sfidë e madhe, ndërsa ka përgëzuar delegacionin e Shqipërisë për punën duke i ftuar që të votojnë më përkushtimin më të madh për Kosovën.
“Me delegacionin e Kuvendit në Asamblenë Parlamentare të KiE, Kryetaren Blerina Gjylameti, anëtaret Etilda Gjonaj dhe Klotilda Bushka, si edhe me Ambasadorin e Kosovës në Shqipëri, z. Skënder Dyrmishi, diskutuam mbi sfidën e madhe që kemi përpara javën e ardhshme: votimin në Asamblenë Parlamentare për pranimin e Kosovës si anëtare e Këshillit të Evropës”, ka thënë Nikolla.
Nikolla në Facebook, ka shkruar se Kuvendi i Shqipërisë do të vazhdojë të mbështesë Kosovën në organizata të tjera ndërkombëtare, shtimin e njohjeve të reja.
“Kuvendi i Shqipërisë përshëndet këtë sukses të merituar të Kosovës dhe rikonfirmon angazhimin për të vijuar mbështetjen për Kosovën deri në anëtarësimin në KiE, në organizata të tjera ndërkombëtare, shtimin e njohjeve dhe rritjen e kontributit të Kosovës në marrëdhëniet dhe zhvillimet ndërkombëtare”, ka shkruar ajo.
Më 27 prill është votuar opinioni i raportueses Bakoyannis në Komitetin për Çështje Politike dhe Demokraci të Këshillit të Evropës i cili rekomandon anëtarësimin e Kosovës në Këshillin e Evropës pa asnjë parakusht shtesë është miratuar në Komitetin e Asamblesë Parlamentare të KiE.
Votimi në Asamblenë Paralamnetar do të mbahet më 15 prill, kurse vendimi përfundimtarë nga Këshilli i Ministrave pritet të bëhet në mesin e muajit maj./teve1.info/
