Feronikeli ’74 ka bërë një paralajmërim nëpërmjet rrjeteve sociale se synimi i vetëm i klubit në sezonin 2025/26 është kthimi në Superligën e Kosovës në futboll.
Nikli në sezonin e ri, do të bëjë gara në Ligën e Parë të Kosovës pasi nuk mbijetoi në elitën e futbollit kosovar sezonin e shkuar duke përfunduar i fundit në tabelë.
Ekipi nga Drenasi tashmë ka bërë përforcime dhe po përgatitet intensivisht për t’u kompletuar dhe komponuar me misionin e vetëm – kthimin në Superligë.
“Klubi ynë i zemrës tani më ka bërë përgatitjet e nevojshme për të filluar gjithçka me të vetmin qëllim, kthimin e lavdisë aty ku e kemi vendin, në elitën e futbollit kosovar. Me përkushtim, me punë dhe me mbështetjen e tifozëve tanë të zjarrtë rikthimi nuk është vetëm qëllim, por mision! Nga tani e tutje do të njoftoheni për të gjitha transferimet e reja që i janë bashkuar klubit dhe së bashku ta përfundojmë misioni e nisur”, thuhet në njoftimin e Feronikelit ’74.
Në krye të këtij ekipi për sezonin e ri, do të jetë trajneri Granit Dervisholli.
