Çmimet e derivateve në vendin tonë kanë shënuar ngritje këto ditë.
Çmimi për një litër naftë sot në tregun e Kosovës kushton 1 euro 34 cent deri ne 1 euro 44 cent, ndërsa për një litër benzinë çmimi është 1 euro 27 cent deri në 1 euro 34 cent.
Çmimet për naftën janë më të larta për rreth 5 cent në litër.
Kryetari i Shoqatës së naftëtarëve të Kosovës, Fadil Berjani, ka theksuar për KP se ka një ngritje të lehtë të çmimeve për karburantet.
“Çmimet e derivateve sot në tregun kosovar janë: Dizelli 1.34 cent deri ne 1.44 cent dhe benzina 1.27 cent deri ne 1.34 cent”, thekson Berjani.
Sipas tij, trendi i rritjes së çmimit të derivateve në tregjet ndërkombëtare është në rritje, dhe siç thekson ai kjo reflekton edhe në Kosovë.
Berjani deklaron se çmimi real i derivateve në vend do të duhej të ishte 1 euro.
