Nenad Rashiq ka siguruar një ulëse në Kuvendin e Kosovë në legjislaturën e nëntë.
Por herë të 21-të, ky institucion nuk ka arritur të konstituohet në mungesë kuorumi.
Deputeti nga Partia për Liri, Drejtësi dhe Mbijetesë në gjitha seancat plenare thotë që ka pasur votë pro kandidimit të Albulena Haxhiut si kryeparlamentare.
Rashiq, për tëvë1 ka thënë që kolegët e tij që vinë nga radhët e komuniteteve janë duke u ndikuar nga disa individë për votën e tyre.
“Ne si grup dhe si individ të partive politike të pakicave po e tregojmë vullnetin çdo herë jo vetëm duke qenë prezent poashtu një determinim për votim dhe kështu do të vazhdohet edhe më tutje. Nga ana tjetër kolegët e mi sikur që e dini prej radhëve të komuniteteve kanë ideja të veta, disa janë nën ndikime të ndryshme janë individët të cilët ende shprehin gatishmëri për votim dhe e ka një ndikim edhe nga partitë shqiptare brenda Kuvendit në ata përfaqësues nga radhët e komuniteteve”, thotë Rashiq për Tëvë1.
Ministri në detyrë, për komunitete dhe kthim thotë që tek deputetët serbë ndikim ka Beogradi zyrtar.
“Me urdhër të Vuciqit atëherë krejt ata punëtorë që i kemi pas në veri e kanë lëshuar vendin e punës dhe vetëm kur e analizoni atë veprim e shihni që nuk kemi të bëjmë me një njeri normal, por është diçka tjetër. Ata janë aty si një mjet i cili e përdorin çdo fuqi që kanë për një destruktivitet prapë po përsëris jo vetëm kundër institucioneve të Kosovës, por më së shumti kundër serbëve të Kosovës” , thotë ai.
Lista Serbe nuk ka pranuar asnjëherë të flas para kamerës në asnjërën nga seancat e mbajtura deri më tani për konstituimin e Kuvendit.
