Një person është arrestuar për ngacmim seksual të mërkurën në Gjakovë.
Policia e Kosovës ka bërë të ditur se dyshohet se ka kryer veprën ngacmim seksual ndaj tri të miturave.
“Gjakovë 08.03.2023 – 15:05. Është arrestuar i dyshuari kosovar nën dyshimin e kryerjes së veprës së lart-cekur ndaj tri femrave të mitura”, thuhet në raportin 24-orësh të PK-së.
Sipas njoftimit, i dyshuari është arrestuar dhe me vendim të prokurorit është dërguar në mbajtje. /Teve1.info/
