Qytetarë të shumtë gjatë vitit 2023 kërkuan mbështetje e këshilla nga “Linja e Jetës”, që ofron këshilla për persona që kanë probleme me shëndetin mendor. Për një vit 7 mijë persona kërkuan ndihmë në këtë linjë.
Nga ora 14 e ditës e deri në orën 2 pas mesnatës, telefonat janë të hapur për të gjithë ata që kanë nevojë për shpresë jete.
Kur të gjitha rrugët janë të mbyllura, “Linja e Jetës” është ajo që ofron këshilla për ata persona që kanë probleme me shëndetin mendor.
E telefonatat nga të gjithë ata të cilët kanë vështirësi edhe gjatë ditëve të ndërrimit të motmoteve, pranohen nga stafi i kësaj organizate.
“Zakonisht në qito festa kur po janë me familje nuk po kanë mundësi me na telefunu, mirëpo mënjeher kur por lirohen po rriten telefonatat.Viti ri din me kan shumë i rrezikshmë për disa persona prandaj ne punojmë edhe me 31 dhejtor, edhe 1 e 2 dy janar, na jemi hala aktiv brenda orarit qe kemi”, tha Bind Skeja, drejtor i “Linja e Jetës”.
E në këtë qendër të thirrjes, vijnë telefonat nga persona të cilët kanë mendime për të kryer vetëvrasje, thirrje të cilat janë anonime.
Drejtori i kësaj qendre tregon se cilët janë shkaktarët më të shpeshtë që dërgojnë në këto mendime.
“Dikush mundet me përjetua dhunë në familje dhe shkaku i saj me pas mendime për vetëvrasje, dhe nëse dhuna vazhdon edhe nuk mundet me gjet mbështetje prej policisë apo organeve kompetente, atëherë aty dalin mendimet për vetëvrasjeve”, u shpreh drejtori Skeja.
Qytetarët edhe gjatë vitit 2023 kërkuan mbështetje e këshilla nga “Linja e Jetës”.
“I kemi marrë nëse sgaboi rreth 7 mijë telefonata, e për cilën periudhë nuk jam e sigurt, por dikun verës, por prapa nuk jam shumë i sigurtë”, deklaroi Skeja.
Por mbështetja financiare nga institucionet mbetet e ulët.
“Nga kjo qendër e shohin të arsyeshme që të punojnë 24 orë, por aktualisht nuk kanë të mjaftueshme kapacitetet”, tha Shkeja.
