Nga Tetova po hyn në Kosovë.
Por, ndryshe nga herët e kaluara, kjo veturë për kontroll u ndal vetëm në një kabinë.
Kjo meqë nga e mërkura edhe në pikë kalimin kufitar Glloboçicë – Jazhincë, nisi implementimi i kontrollit “Hyrje-Hyrje”.
Për këtë, këtu fillimisht u pa ministri i brendshëm kosovar, Xhelal Sveçla.
Meqë homologu i tij maqedonas, Pançe Toshkovski u vonua disa minuta, Sveçla shfrytëzoi rastin ta shoh nga afër këtë pikë kufitare.
E pas orës 14:00, këtu erdhi edhe ministri i Brendshëm i Maqedonisë së Veriut.
Kur dy ministrat u takua, filluan edhe urimet.
Më pas, dy ministrat u interesuan nga afër nëse gjithçka po shkonte me rregull.
Të njëjtën procedurë, e vazhduan edhe në kabinën ku qëndronte polici maqedonas.
E kur radha i erdhi medieve, u tha se kjo formë e kontrollit, do të jetë lehtësim për qytetarët.
“Në vend se të jenë dy kontrolle të ndara, tashmë kemi edhe në këtë pikë kufitare regjimin e kontrollit hyrje-hyrje, falë bashkëpunimit të dy qeverive, dy ministrive por edhe të dy policive dhe dy shërbimeve doganore të vendeve respektiv. Unë besoj se kjo do të sjellë të mira për qytetarët e dy vendeve e posaçërisht për banorët e kësaj zone kufitare. Po vërehet një bashkëpunim shumë i mirë i dy policive në mënyrë që të parandalohet çfarëdo keqpërdorimi apo çfarëdo vepre në kuptimin e shkeljeve ligjore sa i takon kufirit, krimeve ndërkufitare apo çfarëdo lloj aktiviteti tjetër ilegal”, tha ministri në detyrë, Xhelal Sveçla.
Ndërkohë ministri i Brendshëm maqedonas, Pançe Toshkovski, tha se kjo formë kontrolli, pati sukses në Bllacë.
“Kënaqësi është lëshimi në funksion i këtij kalimi kufitar mes Maqedonisë dhe Kosovës, ku e përmbyllim kufirin me Kosovën. Ne kemi mundësinë për transferimin më të shpejtë të qytetarëve mes dy shteteve tona me lëshimin në funksion të kalimit kufitar në Bllacë, i cili është treguar shumë funksional në këtë mënyrë. Shpresoj që edhe këtu në kalimin kufitar të kemi gjendemi aktualisht gjithashtu të funksionalitet më të mirë, një transferim më të shpejtë për qytetarët tanë, me qëllim që të kemi komunikim sa më të mirë si dy shtete”, tha ai.
I pranishëm, ishte edhe zv/kryeministri i parë i Maqedonisë së Veriut, Izet Mexhiti.
“Për një kohe të shkurtër nga pritja në kolona u shndërrua në pritje një minutë-dy dhe dukshëm e ka bërë me të afërt Shkupin me Prishtinën, sot e bëjmë me afër Tetovën”, tha Mexhiti.
Ndryshe, Qeveria e Kosovës dhe ajo e Maqedonisë së Veriut kanë përuruar më 12 prill pikëkalimin e përbashkët kufitar në mes të dy shteteve në pikë-kalimin kufitar Hani i Elezit – Bllacë.
