Qarkullimi për automjete e mjete transporti në bulevardin “Xhorxh Bush” në Prishtinë do të mbyllet nga sot e deri më 14 korrik.
Sipas Komunës së Prishtinës, kjo mbyllje është bërë që t’i mundësohet Universitetit Ndërkombëtar Veror t’i zhvillojë aktivitetet në bulevard.
Në njoftimin e komunës është bërë i ditur edhe ndryshimi për qarkullimin e autobusëve të “Trafikut Urban”.
“Ndërsa rrjedha e qarkullimit të autobusëve të Ndërmarrjes Publike Komunale “Trafiku Urban” në linjat 1, 1A, 3, 4, dhe 7C do të ndryshojë. Tani autobusët do të qarkullojnë nga sheshi “Xhorxh Bush” në drejtim të Bulevardit “Bill Kllinton” dhe do të përshkojnë rrugën “Robert Doll””, thuhet në njoftim./teve1.info/
