Vehbi Miftari, do ta udhëheqë misionin e sapothemeluar të Kosovës në Vatikan, ku deri tashmë i njëjti ishte këshilltar politik i presidentes së Kosovës, Vjosa Osmani.
Këtë post, Miftari do ta marrë nga 1 shkurti.
“Sot, pas tri vjetësh angazhimi si këshilltar politik i Presidentes Vjosa Osmani, e përmbylla angazhimin tim në Zyrën e Presidentes së Kosovës. Ka qenë përvojë fort e vyer në shërbim të Republikës. E falënderova Presidenten për bashkëpunimin e shkëlqyer dhe besimin e saj dhe të institucioneve të vendit që nga 1 shkurti të udhëheq misionin e sapothemeluar të Kosovës në Selinë e Shenjtë/Vatikan. Na priftë e mbara!”, ka shkruar ai në Facebook.
Qysh në fillim të vitit, presidentja Osmani ka dekretuar zyrtarisht hapjen e Misionit të Posaçëm të Kosovës në Vatikan, ku ishte cilësuar hap i rëndësishëm për Kosovën dhe raportet me Selinë e Shenjtë./teve1.info/