Ymer Ymeri, përfaqësues i Sindikatës së Arsimit, Shkencës dhe Kulturës së Kosovës (SBASHK), tha se që nga nesër do të nisin iniciativën për padi ndaj ministrit në detyrë të Financave, Hekuran Murati, për mosshpallje të konkursit dhe për humbjen e tri viteve të mosfunksionimit të Këshillit Ekonomik-Social.
“Do të shikojmë edhe pasojat që ka pas, ndoshta do të shikojmë edhe mundësinë edhe të dëmshpërblimeve për ato vite pse s’ka funksionu, por do ta mbledhim një grup të ekspertëve që t’i analizojmë ato çështje”, u shpreh Ymeri.
Ymerii se Qeveria e Kosovës është duke shkelur dy ligje- atë të Këshillit Ekonomik Social dhe Ligjin për Pagën Minimale.
“Ligji për Këshillin Ekonomik Social obligon Qeverinë dhe Këshillin Ekonomik Social që çdo fundvit t’i propozojë Qeverisë pagën minimale- Qeveria të vendos mbi propozimn e Këshillit Ekonomik Social. Dhe po e shkel ligjin që e ka bë vetë, që është mundu me ia heq përgjegjësisnë KES dhe ka bë Ligj për Pagën Minimale- i cili thotë se mundet mnistri i Financave me propozu pagën minimale vetëm nëse nuk arrihet pajtueshmëri në Këshillin Ekonomik Social”, tha Ymeri.
Ai tha se për rritjen e pagës minimale, Qeveria po punon një vit mbrapa bizneseve pasi që këto të fundit, sipas tij, po e rrisin pagën minimale për shkak të mungesës së punëtorëve si dhe për shkak të kostos së jetesës.
“Edhe sot sikur të bëhet paga minimale ashtu siç e paraqiti kryeministri 500 euro, nuk ka pagë minimale më pak se 450-500 euro, pasi që edhe në sektorin publik nuk ka pagë nën këtë minimale”, ka thënë Ymeri.
Ndër tjerash, ai theksoi se mosfunksionimi i Këshillit Ekonomik Social ka edhe pasoja tjera.
“Mosfunksionimi i Këshillit Ekonomik Social ndër tjerash ka pasoja tjera pasi që në Këshill jepen edhe kodet e punës. Ka raste kur Prishtina është duke punuar me mësim tër ditor, ku ka asistent apo mësues të aktiviteteve dhe nuk kanë një kod pune dhe detyrohen që t’i paguajnë me kontratë të mësimdhënësit për shkak se mungon kodi i punës”, tha Ymeri.
Gjithashtu, Ymeri tha se shpreson që Qeveria e Kosovës, pas pranimit në Këshillin Ekonomik Social të Evropës të shpall konkursin që të aplikojnë sindikatat dhe bizneset ashtu që të funksionalizohet Këshilli./Betimi për Drejtësi
